الأهداف والاولويات
كمبردج فين كل واحد عندو بلاصتو، كمبردج فين كل واحد يحسن حياتو
الإقتصاد المحلي
خاص لإقتصاد يكون مرن ومنصف بش تكون رفاهية فالمجتمع. فهد الإطار وباعتبار لمشاكل للي كيعانيو منها المقاولات الصغار، بغيت نخدم باش نحسن الممارسات الإقتصادية والبيئية للناس المتضررين بحال LGBTQ+،PIBPOC والنساء bach تكون عندهم فرص كتر ويقدرو يستفدو من من التمويل ديال الأبناك الجماعية.
Read More
عدالة الإسكان
بصفتي حتى أنا كارية،أنا عارفة أن أزمة السكن لي كنعيشو من أكبر الأولويات فكامبردج.البني الجديد ف كامبردج خاص يكون مقنن و كياخد بالإعتبار المصالح ديال لكرايا ماشي غي مصالح المنعشين لعقارين. إلا صوتو علي غادي نسمع صوتكم ونوقف لقوانين لمحلية على لإفراغ و نتحكم ففلوس لكرا.
لعدالة العرفية ولجنائية
على الرغم من سمعة كامبريدج التقدمية ، مازال كاين طريق طويل نقطعو للقضاء على العنصرية وأشكال التحيز الأخرى. بصفتي عضوة في مجلس المدينة ، غادا أدفع لإعادة تخصيص تمويل الشرطة للحلول غير الشرطية مثل الإسكان والرعاية الصحية والتعليم العام.
العدالة البيئية
مع الاحتباس الحراري و لا لهواء فالمدن فين مكاينش بزاف ديال الشجر غادي وكيدهور. كانوعدكم أنني غندافع على بنيات تحتية أكتر ايكولوجية وغنشجع المبادرات الجماعية ليكادافع ضد قطع الأشجار فمدينتنا وللي كتشجع على إستعمال وسائل النقل الجماعية و الزيادة ديال الطرقان الخاصة بلبشكليتات باش نسمحو لمدينتنا تولي محايدة فإنبعات الكربون ونبدلو لقوانين ديال التهيئة وكهربة البنايات.
المساواة في التعليم | تعليم للجميع
بحال بلايص أخرى فبلادنا، كامبردج عرفات رتفاع كبير فالفوارق الإقتصادية هاد الأعوام.أختي معلمة فمدرسة عمومية فبوسطن وأنا واعية
بالتحديات لي كاتواجها المدارس وتلاميد. دكشي علاش بغيت ننقص من هاد الفوارق وندفع المؤسسات الخاصة بحال هارفارد و-MIT باش CRLS من هنا 2025.تاني حاجة هي ضمان التعليم الأولي للجميع فجميع مدارس كمبردج للوليدات ولبنيات لي والديهم خدامين.وبغيت نخدم على توفير انترنت بسرعة عالية على مستوى البلدية.
Covid-19 | كوفيد-19
حنا كندوزو من فترة صعيبة مع فيروس كورونا. دكشي لي كنا مولفين مبقش خدام فهد لفترة و بزاف ديال الناس تضررو على المستوى الإقتصادي والإجتماعي. كورونا زادت عقدت الأمور وأترات علينا كاملين وخاصةً على المقاولات المحلية ودورهم كهيكل ديال العدالة الإجتماعية.
فهد الإطار، أول لمشرع لبغيت نخدم عليها هو الوقف الإستثنائي للإفراغ وخلاص لكرا والرهن والخدمات الأساسية بحال الغاز و الضو وضمان ديال تعويضات مادية لناس لخدامين ف صفوف الأمامية فالقطاع الخاص والعام.